كثرة المجمعات في الجهراء

11-08-2009, 11:18 AM

كثرة المجمعات التجارية في الجهراء هل هو أمر صحي أم سلبي

وإذا كان صحي فما هي مميزاته وإذا كان سلبي ماهي سلبياته .

أنا من وجهة نظري أنه في الواقع الجهراوي جدا سلبي

ومن الأسباب عدم وجود مناطق كافيه لمساكن العماله الوافده أو بالأحرى العزاب

وهذا شي واضح أنه بدأ يأثر على السكن الخاص .

الإزدحامات التي لا يقابلها تنسيق سريع بين المرور والأشغال في هندسة الطرق لكي تتماشى مع هذا الكم الهائل من المجمعات .

واترك لتعليقاتكم المجال .

11-08-2009, 11:22 AM

يااااااااااااااااااااو

والله ازمه الجهراء بسبة هالمجمعات اللي شكثرها

والمشكله المرور تحس قاعدين يزيدون من الازمه

مسوين دوارات مال امها داعي .. لو فاكينا منها ابرك

............

لا هنت جهراوي على فتح باب النقاش لأزمه مالها حل

11-08-2009, 11:33 AM

ياجماعه بيتنا في العيون ......... وبروح الجم اتمرن والجم اسمه انترناشيونال الموجود عند مطعم البيروتي المقابل للمطقه الواحه
تخيل عشان اوصل يبيلي 15 ال 17 دقيقه بس طريق ..... اتوقع لو اروح مشي اسرع لي
والجهراء صارت مصــــــــــــر بالنسبه للزحمه

11-08-2009, 11:49 AM

صادقه ياخشف الجنوب تخطيط ماكو .

صحيح كلامك يادكتور مهندس والزحمه دايما اتصير بين العيون وتيماء وخاصه من الإشاره لمخرج تيماء .

أتوقع بيحطون دوار عند هالمخرج

11-08-2009, 11:50 AM

والله لو يسون جسر او نفق يفكنا من هالزحمه ............

11-08-2009, 12:37 PM

الجهراء صاير الزحمه فيها موطبيعى صارت حولى الثانيه قصدى القاهره
وإذا بعالجون القضيه حطوا دوار مايدرون يزيدون الطين بله
على قولة الدكتور ماينفع إلا مترو انفاق

11-08-2009, 01:30 PM

والله الجهراء بداية افتتاح المجمعات كنا مستانسين فيها ..بس سوء تخطيط الطرق والمداخل والدوارات هي اللي زادت الزحمة وكرهتنا بالطلعة...لو نطلع برة في مجمعات الديرة خلصنا اشغالنا اسرع ..من هالزحمة
الله يعينا بس

11-08-2009, 04:19 PM

اي عدل الجهرا صارت مصر الثانيه من الدوارت مافي تنظيم والداخليه مقصره

وفديت الجهرا ومن سكن فيها

11-09-2009, 01:32 PM

والمغازل صار عاده غير طبيعيه حتى بو 9 سنوات تلاقونه ماسك تلفون ويلاحق حرمه كبر امه أعوذ بالله

شنو خلينا للصهاينه .

وبفتح موضوع نقاشي لمسألة المغازل

11-10-2009, 06:13 PM

بصراحه كثرة اسواقها وكثر خبالها لو قاعدين على مجمع وراه كان احسن (:

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري