إحصائية الترشيح:

عدد النقاط : 10 قوة الترشيح :

السلام عليكم


بلييز انا ادري في النهايه بطلع الغلط راكبني من راسي لي ساسي وانا الي مو متربيه وانا الي ما افهم شي بالدين وانا الي غلط بغلط وانا الي لازم الديره تتخلص مني وانا وانا وانا عشان جذيه ما شكيت على الروضه الي عقدتلي ولدي والي ناظرتهم قلة ادبها علي ،، ولما الناظره قالت لي روحي لاعلى وزاره اهيا كانت متأكده اني انا بطلع الغلطانه في النهايه بس ربي سبحانه عالم والكاظمين الغيظ ،، عسى ربي يكظم بركاني الي من الداخل ،، انتو بس لو تنظرون لاعيون ولدي كانها تقول يما ويا يبا ما خذيتوا حقي من الابله الي كونتلي عقده وعلمتني شلون أجذب في الوقت الي كنت ابيها اتعلمني شي صح . مو هذا موضوعي هذي مقدمه لموضوعي


بليز ابيكم ولا عليكم امر تحذفون موضوعي لان اشوف الكل هجم علي ولما كتبت اسم الروضه والله اني ما ادري بالقوانين بالعكس وايد ارتحت لما شلتوا اسم الروضه لاني تحسفت عقب ، لان ماله داعي احط اسم الروضه اهم شي ابي حل للي قاعده اسويه ويزاه الله الف خير العضو الضفيري قالي آيتين وذكرني بذكر ربي سبحانه ، ولما قلت أشياء ثانيه تبط الجبد ترا والله من الي فيني حط يا ولي الأمر الموقف كلا في مكانك شتسوي!!! مال تاخذ العقال وتنسفه على الابله حسبي الله عليها انتوا تدرون شنو يعني تعقد !!! قاعده أفكر اوديه طبيب نفساني بالسر ما ابي احد يدري من اهله وبعدين ترا انا اقول بس ما اطبق لاني اخاف ربي وحاطته جدام اعيوني، انا لما قعدت افرفر بين القوقل قلت بحط منتدى بالجهرا ف طلعلي هالمنتدى ولما لقيت في مواضيع تكتب عن منطقة الجهرا التعليميه فتشجعت اني احط موضوعي يمكن الاقي حل له لاني تعبانه من الداخل ماني عارفه شلون اتصرف تصرف حكيم ، وانتو عارفين انه الوزاره ماراح اتسوي شي هذا مافيه جدام ابد خصوصا الوزيره مبيضتها هالسنتين .

عموما انا اطلب منكم اذا تكرمتوا حذف الموضوع لأن ما لقيت الي ابيه الا من شخص واحد يزاه الله الف خير والباجي هجوم ولازال

هذا الموضوع

[عزيزي الزائر يتوجب عليك التسجيل للمشاهدة الرابطللتسجيل اضغط هنا]

إحصائية الترشيح:

عدد النقاط : 10 قوة الترشيح :

تم الحذف .. والمنتدى مفتوح للجميع لتعبير عن أرائهم من دون تجريح

والله يجزاج خير على هالقرار ... وعلى المستوى الشخصي محد يلومج هذا ولدج

ولكن الخطأ لا يعالج بالخطأ .

إحصائية الترشيح:

عدد النقاط : 10 قوة الترشيح :

اختي نصيحه بخصوص ولدج لاا تودينه الطب النفسي
ترى من تدخلينه اهناك بتوصلينله رساله انه في شي غلط
وراح يتعقد ويتعب اكثر وتكبر مشاكله وتدخلين متهاهات
المفروض ما تبين لولدج انه متعقد ولا شي ولا تحسسينه بهالشي
وتتعاملين معاه بانه هذا شي طبيعي الياهل يمر وفيه وانه غيره صار معاه مثل هالمواقف
وعادي ودخليه نادي كوره وكثر من احتكاكه مع اليهال ونشالله تنحل هالمشكله

بس اذا راح طب نفسي او حتى اسشاره راح يتعقد صح وبيحس انه في شي غلط

التوقيع:

[عزيزي الزائر يتوجب عليك التسجيل للمشاهدة الرابطللتسجيل اضغط هنا]


اذا قصدك تعذبني .. ريح اعصابك
.. تراك فناظري أصغر من انك تحرق اعصابي

إحصائية الترشيح:

عدد النقاط : 10 قوة الترشيح :

بعد عمري والله ماااا قصرتوااا ، وصدقوني حاطه حرتي بقلبي وسبحانه قادر على انه ياخذ حقي بالوفا وبالتمام من الي ظلمني وظلم ولدي ،،، وانا وحده اخاف ربي وااايد وما عندي الا حسبي الله ونعم الوكيل عليهم ودعيت بهالدعاء عليهم وانا تحت الكعبه ،، واكتشفت من عقب ولازلت ان الناظره مو زينه كلمة شويه عليها ومن ايام واهيا مشرفه وانه المدرسات هالروضه مو زينين مثل ما انا اكتشفت والحمدلله ربي راضي عني الي اكتشفتهم قبل فوات الاوان والحمدلله رب العالمين ،، الروضه اليديده الي نقلت ولدي فيها الحين واااايد زينه معاه ومشركينه بأنشطه شكثر ، ويحاولون انه يطلعونه من الانطوائيه الي فيه ،،، وانا بلغت ابلاته بالي صار بشكل سطحي مع الابله بس الي سببت الخطأ ما اقصد اني تكلمت عن الناظره ،، والحمدلله انه ابلاته احسن ابلات شفتهم والكل يشيد فيهم ( توصيه ) واكتشفوا الانطوائيه الي فيه ( تدرين شنو المشكله !!! اني قادره امحيهم ثنتينهم برفعت تليفون وساكته انا وريلي اليما الحين ،، سبحان الله ربي راضي عني انا وريلي ما يبينا نطيح بالمحضور يبيلنا نصبر وندعي فقط) على فكره ترا انا ما ادعي علي احد انا ادعي فقط بحسبي الله ونعم الوكيل ... لاني قويه بايماني والحمدلله وشكرا على حذف الموضوع والردود الجميله منكم ... وهذي الدنيا الشيطان موجود لمهمه ولازم ينجزها قبل لا تقوم القيامه