Olive"][/COLOR]

هذا المجبوس دجاج انشاء الله تجربونه ويعجبكم والحين ماعندي صور بس انشاءالله اذا المقادير :
1 دجاجه منزوعة الجلد مغسوله ومقطعه نصفين ( الدجاج بدون جلد اقل زفر ) والدجاجة ممكن تخلينها كامله او مقطعه كيفج .
1بصله متوسطة مقطعه مكعبات
1 ونص او 2 جيلة عيش ( كوب ) مغسول ومنقع ( يفضل للمناسات العيش ذو الحبه الطويله مثل انديا جيت )
بهارات حب ( 6مسمار - 8 هيل - عود دارسين كبير - 8 فلفل اسود - قطعة زنجبيل صغير مقشره ومقطعه - 2 ورقة غار )
ملح حسب مقدار العيش - لكل جيله 2 ملعقة كبيرة
استكانه نصها ماء ورد وشويه صبغة الزعفران وشوي قليلة زعفران وشوي ماء مغلي
لقلي الدجاجه : 1 م ك دراسين - 1 ملعقة شاي فلفل اسود - شويه كزيرة بودره ( اختياري)
مقادير الحشو اللي فوق العيش: 1 بصله كبيره مقطعه مكعبات صغيره - نخي مسلوق - كشمش ( زبيب) منقوع بماء - وبهارات الحشو ( شويه دارسين - شويه كزبره - شويه فلفل اسود - شوية هيل - شويه اقل لومي - رشة ملح )


الطريقه :
تحمسين البصله ب5 م ك زيت الذره ثم تضعين البهارات الحب ثم الدجاج ثم تغمرين الدجاج بالماء المغلي وتتركين الدجاجه تطبخ لمدة نص ساعه تقريبا او الى ان تنضج .

تشخلين الدجاج وبهاراته عن الماء .

تضعين مقدار كافي من الماء للعيش على القدر مره ثانيه مع اضافه زيت زياده لأن العيش حلاته شوي دسيم

تصفين الماء المنقوع به العيش ثم تكبين العيش بالقدر وتخلينه يطبخ .

بعدين تصبين فوقه الزعفران المنقوع بماء الورد

ثم تأخذين ادجاج وترشين فوقه 1 م ك دراسين - 1 ملعقة شاي فلفل اسود - شويه كزيرة بودره ( اختياري)
وتقلينه بالمقلاه
وعند الانتهاء خذي الزيت المتبقي من القلي وصبيه فوق جدر العيش

وجهزي الحشو : اسلقي النخي بماء وشوية ملح وملعقة زيت وصفيه من الماء - حمسي البصله بمقلاة ثم ضيفي له النخي ثم الكشمش ثم البهار ( شويه دارسين - شويه كزبره - شويه فلفل اسود - شوية هيل - شويه اقل لومي - رشة ملح )
ثم خففي النار ورشي مقدار نص استكانه تقريبا ماء وخلي الحشو يتشرب ثم طفي النار

نجبي العيش ( ضعي العيش ) في الغنجه ( الصحن ) وفوقه الحشو وفوقه الدجاج ( ياسلاااام)

((وجهزي الدقوس معاه ))

طريقة عمل الدقوس الكويتي ( طريقه سريعه) :
المقادير
4 حبات طماطم بالخلاط
3 فصوص ثوم مدقوق
1 م شاي كزبرة ناعمه
3 م ك زيت ذره
1 معجون طماط كي دي دي
1 ونص م ك ملح
اطبخي الطماط مع الزيت والكزبره والملح لمده 8 دقايق تقريبا ثم اعصري الثوم وضيفي المعجون وجعليه يتسبك قليلا وبالعافيه


واذا كنتو من محبي الدقوس الحار عندي طريقه تزيدكم بيوم 20 كيلو من كثر ما يشهيكم للأكل :
1 معجون طمط كي دي دي - 5 م ك زيت ذره - 4 فصوص ثوم - عصير ليمونه - 1 م ك ملح
بالمقلاة الزيت ثم الطماط ثم الثوم والليمون والملح ويقدم

ولاتنسون السلطه الخضراء عشان توازنون وجبتكم اللذيذه والأجار الكويتي اللذيذ
وختموها بلبن المراعي عشاااااان وراها تقيلون عدددددددل

وبالف هني وعافيه

لاهنتــي اختــي
الصــراحه احلـى شي المجـابيــس
بدايـه مــوفقـه