على نهج الاوايل لـك سرينـا = عسى ربي يحقـق مـا بغينـا
قصيده تذكـر التاريـخ لأهلـه = نفاخر بـه وهـو منـا وفينـا
من سيوف المعـارك للمدينـه = قصصهم تسعد اللـي ناشدينـا
سلايل مجد وجبـال المفاخـر = سيوفن يعجـز العايـل يجينـا
من الجهرا ليا عرعـر توجـه = عيون المدح تفـرح حاجبينـا
من الدعسان للمجـلاد تاصـل = لأبن نايـف زبـون الدخلينـا
رماح الطيب مدح افعال نرفـع = معاها روسنـا يـا المقدمينـا
أذا للفعـل عمهـوج ٍ محنـك = فأنتم ياا (الفـوارس) حاكمينـا
سلايل برجس اللي نفتخر بـه = وفاخـر بـه جـدودن أولينـا
غدير الموت ما هـاب المنايـا = ولا يخفـى جميـع العاارفينـا
أبن قاعد علـى القمـة تتـوج = بفعلـن مـا قـواه المعتدينـا
نطح صابور إبن قاعـد لحالـه = وذا فعلـن يغيـض النكريـنـا
وكم عايل على ربعه تفرعـن = قدم برجس غـدا كالشاردينـا
وذا جيتك أبمدح فـي جنابـك = يابن نايف فلا تشـرح علينـا
ليا قصر كلامي فـي مديحـك = سمعت العين تعـلا الحاجبينـا؟
يا بن مجلااد ياا نبع المكـارم = رفيع الشان ذخـر الصادقينـا
تواضعـك احترامـن للمبـادي = على نهج الشيـوخ السابقينـا
عقيلي سيفن ينومـس بطيبـه = عريب الجد زبـن المحتمينـا
ليا طروا لي اسمـه افتخربـه = واقول (( الله يرحم والدينـا ))
شهادته بجنابي فـوق راسـي = تنومسنـي ويخسـا الخايبينـا
مدحته لأنـه لمدحـي يشـرف = وانومسبـه قبـال المادحيـنـا
وابرفع له على رووس النوايف= بيـارق مـدح للـي ناشدينـا
ولا هو بحاجه لمدحي وقولـي= ولكنّّـي ذكــرت الطيبيـنـا
قصيدة مدح بحروف ٍ تنومـس= لأبن نايـف زبـون الداخلينـا

هلا بك عد ماذعذع علينـا = هبوب الشرق ياذرب اليمينا
هلا بالشاعر اللي من عرفته = جزيل ولايصيد إلا السمينـا
يجيب الصعب وحروفه تعطر = اذان اللي لشعـره سامعينـا
وإذا طرياك مر وعانق اذنـي = يفوح العطر مثـل الياسمينـا
قريت وشفت ماخطت يمينك = ياراع الجود يانعـم الخدينـا
وطيبك وارثه من طيب جدك = مهو هاليوم مبطي وارثينـا
إذا الطيبه فعل انت المجنـدل = وإذا الطيبه بحر انت السفينا
ياخالد انت من ناسٍ عزيـزه = لهم بالقلب ساحاتٍ ومينـا
صليلي والنعم والله واكـرم = بناخي والوفا منكـم يقينـا
اولاد" للعلي من نسل دهمش = هل الفزعات في ماض السنينا
صليلات" لهم بالمجد بيـرق = على الشدات مامنهم يلينـا
على العايل تراهم سم هاري = وسكر للخوي نعم المعينـا
وبالجهرا لكم فعلا مؤكـد = يسولفبـه جميـع المنصفينـا
لكم بالقصرالاحمر مايشـرف = فعل يلطم وجيه الحاسدينـا
لجل تربة وطن سقتو منايـا = سيوف" كاسـره للعايلينـا
عشرين وْكثرهن راح وبقيتو = لحد مابان كسـر المعتدينـا
يابن دعسان في قلبي تربـع = ولك في وسط جوفي حاجتينا
محبه والضلوع ادرى بحبـك= وشوق زايدن فيـه الحنينـا
وترى احبال الاخوه والقرابه= انا عندي مثل حبل الوتينـا
ماداني شي ياخالـد عليهـم = كذا طبعي وهذا اللي ربينـا
تم الختم صلو وانـا بصلـي = عدد مابانت نجـوم علينـا
على محمد نبـي الله واكثـر= رسول" ياالهي بـه رضينـا

الشاعر
عقيلي نايف المجلاد