جميله القصيده
أستمتعوا بكلماتها العذبه


ياللي لمحتوا دمعتـي في جفونـي
مستغربين اللي حصل يا سـاده .!





تكفون لـ فراق الغضِـي خلّونـي
أشكي همومي مِحتضن لي وساده

ماعاد أبيكم تنشـدون شلونـي .!
جرحي وعارف علته وضمـاده .!

إن كان بيديكم سنـع شوفونـي
ولا أتركوني للحـزن وجهـاده

من يوم غابت عن سماي وكوني
مولاة قلبـي غايتـه ومـراده

اُم العيون السود كـل جنونـي
ست البنات البيض وأحلىـ غـاده

كني عن ابواب الفرح صدونـي
ولا الصبر كثر الرجاء ما فـاده

الجرح جرحي والطعون طعوني
للحـب نـاس وللهواء زهـاده

لابو قصيـدٍ يرتضي لـي هونـي
يشكي من الحظ الردي وعنـاده

قولوا لها شِلّي حصـل دلونـي
أبطت وخابـر مالهـا بالعـاده .!!

.... بعض البشر غابوا ولاهمونـي
والبعض يمكن خيرتي في بعاده ....

بس المصيبه لو تصيب ظنوني
بغيـاب نـور وطلـت الميـاده

قولوا لها والشوق زاد شجونـي
وينك .!!. تراني مـا أطيـق زيـاده

شوفي غيابك يستثيـر سكونـي
والليل عيني ما أهتنت برقـاده

ضاقت ضواحي خافقي وأبكوني
من روحتك فجأة بدون إفـاده

دفتر قصيدي إشتاق لك من دوني
صفحاتـه لـ رقـة يـدك معتـاده

وجدي عليك اليوم يا مظنونـي
والدلع راقـي لا بكـى بغـداده

اقسم بـرب البيـت وتعرفونـي
وابيات شعري تنتظـر هـدّاده

إن كان عادت والله لـ تلقونـي
أقصد وألبسها القصيـد قـلاده

والحين أبي علمٍ يكف طنونـي
منهو يجيب أخبارها يـا سـاده .!!

إما كـذا ولا أبعـدوا وخلونـي
أرجع لـ حضن وسادتي كالعـاده

المشاركة الأصلية كتبت بواسطة عزام [عزيزي الزائر يتوجب عليك التسجيل للمشاهدة الرابطللتسجيل اضغط هنا] الله يعطيج العافيه قصيده حلوه ومميزه

المشاركة الأصلية كتبت بواسطة عزام [عزيزي الزائر يتوجب عليك التسجيل للمشاهدة الرابطللتسجيل اضغط هنا] الله يعطيج العافيه قصيده حلوه ومميزه

المشاركة الأصلية كتبت بواسطة الوايلية [عزيزي الزائر يتوجب عليك التسجيل للمشاهدة الرابطللتسجيل اضغط هنا] طاب منقولج يالغلا

المشاركة الأصلية كتبت بواسطة ابو أنـــوار [عزيزي الزائر يتوجب عليك التسجيل للمشاهدة الرابطللتسجيل اضغط هنا] صح السانكم والسان الشاعر عالقصيدة الجميلة

المشاركة الأصلية كتبت بواسطة الظفيري [عزيزي الزائر يتوجب عليك التسجيل للمشاهدة الرابطللتسجيل اضغط هنا] إما كـذا ولا أبعـدوا وخلونـي أرجع لـ حضن وسادتي كالعـاده أبيات جميله ينقصها اسم الشاعر