أحد شعراء الجهراء في شاعر المليون

12-29-2009, 12:05 AM

.. الشـرهـه عـلـى الـوردتــيـن ..

ليه خليت قلبي من غيابك حطام .. !!= ليه ما صنت عشرتنا طوال السنين ..!!

دام ما انته بـ قد الحب وإلا الغرام .. = ليه ولعتني وأقفيت في غمض عين ..!!

والله إني عقب فرقاك ماني تمام .. = أنحر الشعر هم .. وأرتمي بـ الونين ..

إنت نايم .. و عين اللي عشق ما تنام .. = كل ما طوّل غيابك يفوح الكنين ..

مات جمري .. و باقي لك رماد الكلام .. = مل صبري .. و لا باقي سوى دمعتين ..

ليه يا خي ذبحت الحب فيني !! مدام .. = تدري إن لك بـ قلب اللي يحبك حنين . !!.

فيك أنا توني ما جيت لأول مرام .. = والهوى ضاع .. والشرهه على الوردتين ..

الأمل مرني البارح مرور الكرام .. = مر ما قال لي : مشاري علامك حزين .. ؟!!

خانت الخيل بـ الخيال وسط الزحام .. = والأماني رمتني من يسار لـ يمين ..

ما أصدق يطول البعد !! والله حرام .. = تترك اللي عشانك طنـّـش العالمين ..!!

كانت أحلامنا غيم .. و قفاها العسام .. = رحت ما تشبه إلا نشوة الياسمين ..

خل جرحي .. مصير الجرح للإلتئام .. = يمكن بـ يوم .. أو يومين .. أو بعد حين ..

صاحبي .. ما أقول إلا .. عليك السلام .. = إنته أجمل شعور ٍ عشت به بـ السنين ..

مشاري الشليمي

12-29-2009, 01:52 AM

مشكور ياجهرواي والله يوفق شاعرنا..

12-29-2009, 05:11 PM

أتمنى له التوفيق

وأتمنى من الإدارة عمل له أعلان في صفحة المنتدى الرئيسية

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري