ما كل من يضحك بدنيـاه مسـرور
لو ضحـــــكته دايـم تحــــرك حـجاجـه
وما كل من يبكي من الناس مقهـور
بعض الدموع رخاص من شان حـاجه
وما كل صادق لو حكى لك من شعور
يا كثر من زيف المشــــــــاعـر خراجـه
وما كل ما يخفى من السـر مستـور
بعض الوجــيه أبين من أرهــف زجاجه
وما كل بيتٍ بابه إنصـك مهجـور
كم بيــتٍ أطفى الشــــح واهـج ســــراجـه
وما كل وردٍ تزرعـه ينثـر عطـور
لو ماه صـــــــافي مـا يخالـــــــط هماجـه
وما كل مرهف قلب لو يزرع زهـور
قلب يحــــــب الورد وهو مثــــــل صاجـه
وما كل من يخطي من الناس معذور
البعـــــض يخطي من علــــــوم العـواجـه
وما كل من يسكت على الضيم مجبور
لجــــــل الغـــــلا ساكت ويدعـي إنفـراجـه
وما كل راسٍ ضيع الفكـر مسحـور
كم راس سحر الحب جاب إرتجــــــــاجـه
وما كل علـة فادهـا طـب دكتـور
كم من علـــــــــيلٍ وصـل خلــــــــه علاجـه
وما كل من شاور حكيمٍ خذا الشـور
بعض الــــــــبشر مـا يقنـع إلا مـــــــزاجـه
وما كل من سمي صقر يشبه صقور
كم من صـــــقر وقت الشدايـد دجاجــــــــه
/
/
جآزت لي ،،،